Koalicioni PS-LSI vendosi të kërkojë ndihmën e partive Popullore Europiane për të bindur partinë Demokratike dhe Lulzim Bashën të hyjnë në zgjedhjet e 18 qershorit. Pas takimit mes kryeministrit Rama dhe kreut të Kuvendit Ilir Meta, ky i fundit tha për mediat se koalicioni
ka shprehur vullnet për të nisur një dialog pa kushte me opozitën me asistencën e Partisë Popullore Europiane. Për këtë ata do i drejtohen zyrtarisht kreut të PPE-se.
“Duke e kuptuar vështirësinë e opozitës për të pasur mos besim, kemi vendosur ti drejtohemi zyrtarisht Partisë Popullore Europiane ku PD është anëtare që të asistojë sa më shpejt të jetë e mundur në këtë dialog në mënyrë që ky ngërç të marrë fund sa më shpejt dhe vendi të shkojë drejt zgjedhjeve të lira e të qeta”, tha Meta.
Gjithashtu Meta deklaroi se nuk do të paraqesin kandidaturë për president pa dialoguar dhe pa bërë përpjekje për të arritur konsensus me opozitën. “Kemi vendosur të vazhdojmë procedurat kushtetuese për zgjedhjen e presidentit të ri por pa paraqitur asnjë emër, pa mbështetur asnjë kanidaturë pa dialoguar dhe pa bërë përpjekje për të arritur konsensus edhe me opozitën për çështjen e presidentit edhe pse kjo maxhorancë ka 90 vota gati në parlament. Nuk do paraqesim kandidaturë sepse duam që presidenti të jetë konsensual”, tha ai. /tesheshi.com/
