Edi Rama dhe Lulzim Basha janë takuar më në fund në një përpjekje për të arritur një kompromis mbi reformën në drejtësi.
Takimi po zhvillohet në një nga sallat e Pallatit të Kongreseve, ku Rama shoqërohet nga Fatmir Xhafa dhe Petrit Vasili i LSI-së, ndërsa lideri i opozitës ka ardhur në takim me Oerd Bulykbashin dhe Edi Palokën.
Ka qenë kreu i Kuvendit Ilir Meta ai që ka vendosur njeriun e tij në delegacion në momentin e fundit, duke ia kërkuar me insistim kreut të qeverisë. Ndërkaq, mësohet se Berisha ka kërkuar që në takimin e sotëm të mos jetë Jorida Tabaku, e cila ka marrëdhënie të afërta me Bashën, por Edi Paloka që ka relacione të mira me ish-kryetarin.
Kryeministri ka qenë i pari që është paraqitur ndërsa Basha ka mbërritur me 8 minuta me vonesë.
Në Pallatin e Kongreseve ka forca të shtuara të sigurisë./tesheshi.com/
