Ka nisur rreth orës 11 të ditës së sotme takimi mes kreut të parlamentit, Ilir Meta dhe kreut të pozitës, Lulzim Basha, në kuadër të bisedimeve për reformën në drejtësi.
Ka qenë Ilir Meta ai që ka bërë ftesën për këtë takim dy ditë më parë, dhe sot në ambientet e hotel “Rogner” fokus të këtij takimi është gjetja e konsensusit për miratimin e reformës në drejtësi.
Krahas temës së nxehtë politike, Meta ka qenë i kujdesshëm dhe i ka bërë një surprizë Bashës, duke i dhuruar 42 trëndafila blu, për shkak se sot, kreu i opozitës feston ditëlindjen. Ai ka dhuruar aq trëndafila sa dhe vite mbush kreu i PD, si një dhuratë të personalizuar për të. /tesheshi.com/
