Nis shtrimi i tubacioneve të TAP-it në Shqipëri, Rama në një tjetër vepër të Berishës

Nisi këtë të premte ndërtimi i pjesës tokësore të gazsjellësit transadriatik, TAP që do të kalojë në Shqipëri me një gjatësi prej 215 kilometrash, e cila shënon dhe fazën e parë të shtrimit të tubacioneve Fier-Berat.

Nga të pranishmit u vlerësua  se 160 milionë euro në vit do t’i shtohen prodhimit të brendshëm bruto të Shqipërisë me nisjen e punës së këtij gazsjellësi, ndërsa deri tani janë punësuar 1700 vetë, 90% e të cilëve shqiptarë. Sakaq, në fjalën e ti, shefi i qeverisë shqiptare, Edi Rama, tha se se përveç dobive ekonomike, gazsjellësi pritet të zhvillojë industrinë e gazit në Shqipëri. “Ne nuk duam të jemi vetëm rrugëkalimi. Në harkun e 20 viteve ngrohja do të bëhet me gaz”, tha kryeministri.

TAP është një ndër ato vepra që ashtu siç Banja, i japin një shans opozitës së sotme të rreh gjoksin për të djeshmen në qeverisje. Vetë kryeministri Rama, kohë më parë vlerësoi publikisht rolin e paraardhësit  të tij, Berisha, në lobimin e madh për t’i siguruar një rrugëkalim nga Shqipëria. /tesheshi.com/