Ristarton sot në tre prej ekraneve kryesore shqiptare talk show-t e së enjtes, ku vendin kryesor e zë politika. Dhe për këtë sezon të ri, ka rastitsur të ketë një përballje titanësh.
Te Opinion-i, do jetë ish-kryeministri Berisha përballë një paneli gazetarësh. Media akoma vijon ta ketë në lajmet e saj njeriun që i ka dhënë tonin politikës shqiptare në çereksheulli. Javët e fundit Berisha ka patur një rifaktorizim nga politika kosovare, sa i përket çështjes së kufijve. Ndërsa në planin e brendshëm, nuk ka ndonjë risi. Vijon rutinën e denoncineve nëpërmjet qytetarit dixhital.
Në Real Story-n e Ballës, pritet të jetë ambasadori Lu. Njeriu që ka rikonfirmuar autoritetin e tij diplomatik si përfaqsues i Uashingtonit në Tiranë, pritet të bëjë deklarime të forta për atë çfarë po ndodh mes palëve politike, por sidomos për situatën e krimit në vend, ku veçon Shkodra.
Risia është në Top Channel e cila ia ka besuar garën e së enjtes për audiencë, Eni Vasilit. Studio e Hapur e saj është konvertuar në Open, por sigurisht me të njëjtin format, atë klasikun.
Vasili, e cila veç sharmit femëror nuk ka ndonjë cilësi të veçantë në narrativën e saj gazetareske, do ketë përballë kryeministrin Rama. Ky i fundit ka patur një heshtje në protagonizmin e tij publik të ditëve të fundit, përjashtuar Asamblenë, dhe pritet me interes për disa çështje sensitive. /tesheshi.com/
