Samiti i Bashkëpunimit të Gjirit – 39 GÇ filloi të dielën në Riad, kryeqytetin e Arabisë Saudite, por me mungesën e Emirit të Katarit, Tamim bin Hamed al-Thani. Ky i fundit ishte ftuar, por ka munguar, duke mos mundur t’i japë samitit sinjale pajtimi e bashkëpunimi me praninë e tij. Siç dihet, Arabia Saudite kryeson një bllokim total ndaj Katarit prej gati dy vitesh, pasi e akuzon se mbështet terrorizmin.
Mbreti Salman bin Abdulaziz, në hapjen e samitit tha se terrorizmi dhe ekstremiste forcat kërcënojnë sigurinë e përbashkët të vendeve arabe dhe të Gjirit.
Ai theksoi se regjimi iranian vazhdon politikën armiqësore dhe ndërhyn në punët e brendshme të vendeve fqinje.
Ai rikujtoi se GÇ është themeluar me qëllim të forcimit të stabilitetit dhe zhvillimin, dhe beson se të gjithë janë të përkushtuar për vazhdimin e ekzistencës së Këshillit dhe forcimin e rolit të saj në të ardhmen.
Ai tha se Arabia Saudite, në politikën e saj ndërkombëtare vazhdon për të mbrojtur çështjet në lidhje me botën arabe dhe islame, ku vend të veçantë zë çështja palestineze.
Mbreti Salman vuri në dukje përpjekjet e vendit të tij, kur është fjala për sigurimin e të drejtave legjitime të popullit palestinez.
Sa i takon Jemenit, ai shtoi se koalicioni i udhëhequr nga Arabia Saudite, që nga viti 2015 po mbështet përpjekjet për të arritur një zgjidhje politike. /tesheshi.com/
