Në ora 8:30 ka filluar ceremonia e kuvendit komunal me seancë solemne.
Fjalë rasti pati Agim Bahtiri para asamblistëve zyrtar institucional, qytetar të shumtë ku i pranishëm ishte edhe kryeparlamentari Kadri Veseli.
I pari i Mitrovicës ka theksuar sot po bëhen pjesë e historisë ashtu që patëm fatin që ta përmirësojmë një gabim te shek. 19-20 neve na takoj ky nder që ta kryejmë këtë detyrë si shqiptar në përgjithësi.
Po kthejmë Isa Boletini dhe bashkëluftëtaret e tij në vendin e vet. Sot po i kthejmë vlerat e historisë në vendin e vet. Isa e deshi Kosovën, Shqipërinë dhe gjithë shqiptarët. Ndërsa që nga sot do të prehet në varrin e tij, në vendin e tij në Boletin tek gurët që i deshi më shumë së gjithëçka tjetër në botë.
Ndërsa Kryeparlamentari Kadri Veseli sot jam këtu në Mitrovicë në mes të dhembjes dhe krenarisë duke përcuar mesazh botës që Mitrovica pret birin e vet në tokën e vet.
Derisa Isa Boletini me bashkëluftëtarët e vet u vranë në Podgoricë familja e tij u degdis në të gjitha trojet shqiptare, duke u përndjekur nga regjimet komuniste.
Ne me nderime me të mëdha do ta varrosim këtë burrë dhe do t’i përkujtojmë përgjithmonë këta burra që ranë në altarin e lirisë.
Fjalë rasti pati edhe Dashamir Uruçi kryetar i shoqatës “Kosova” nga Shkodra, i cili theksoi se sot jam këtu si shkodran qysh i ka hije Shodrës të sjell një surprizë për ju qytetar të nderuar të Mitrovicës. Po ju sjell këtu për herë të parë letrën ose fjalimin e patriotit Nasuf Dizdari mbajtur me 25.01.1916, me rastin e varrimit të Isa Boletinit në Podgoricë letër të cilën ia dorëzoi kryetarit Agim Bahtirit kryeparlamentarit Kadri Veselit. Me tej Uruçi e ka quajtur këtë që ju po e quani rivarrim ky është varrimi i heroit tonë të madh dhe i bashkëluftëtarëve të tij në tokën e tij.
Për jetën dhe veprën e Isa Boletinit foli profesor Fazli Hajrizi.
Kortezhi me eshtrat e Isa Boletinit dhe i bashkëluftëtarëve të tij kanë mbërritur para kuvendit komunal të Mitrovicës rreth orës 9:10 min ku po bëjnë homazhe zyrtar institucional dhe qytetar të shumtë. /tesheshi.com/
