Forumi Ekonomik i Vjenës do të zhvillojë sot ditën e dytë të punimeve. Takimi ka nisur rreth orës 09:30. Paneli i parë është paneli politik i kryeministrave të rajonit, me temën “From Berlin to Vienna: Bringing back geopolitical certainty to the Western Balkans”.
Në orën 11:30 nis punimet paneli i dytë, që është paneli ekonomik me temë “Bridging the gap between the EU and the region, innovative strategies to attract FDI through connectivity”, me pjesëmarrjen e ministrit të Ekonomisë, Arben Ahmetaj dhe figurave të njohura të politikës ndërkombëtare dhe fushës së ekonomisë.
I vetmi nga kryeministrat e rajonit që nuk janë të pranishëm në këtë forum, është ai i Greqisë, Alexis Tsipras, ndërsa një ditë më parë në Tiranë ka mbërritur edhe kryeministri serb Aleksandar Viçiç.
Forumi Ekonomik zhvillohet në kuadër të përmbylljes së kryesimit nga Shqipëria të presidencës së SEECP-së. Ai I çeli punimet pasditen e djeshme. Të pranishëm ishin kryeministri Rama dhe Presidenti i ‘Vienna Economic Forum’, Erhard Busek . Gjatë fjalës së tij përshëndetëse Busek theksoi se Ballkani nuk është më fuçia e barutit për Europën dhe se rajoni po bën hapa para. Kurse kryeministri Rama theksoi se popujt e Ballkanit i bashkon ëndrra për integrimin në BE. /tesheshi.com/
