Qeveria e Serbisë ka nisur involmimin e planit “Merkel” për Ballkanin të nisur tashmë në procesin e Berlinit.
Siç bën të ditur televizioni serb B92, Banka Europiane dhe qeveria serbe kanë shpallur nisjen e autostradës Nish-Prishtinë, e cila lidhet me atë Merdare-Morinë dhe Morinë-Durrës, që në vitin e ardhshëm.
Zorana Mihajlovic, ministrja serbe e transportit deklaroi se zyrtari i Bankës Europiane për Investime për Ballkanin, Dubravka Negre, e ka cilësuar këtë rrugë si “Autostrada e Paqes”.
Bëhet fjalë për 77 kilometra rrugë që do të kalojë në Serbinë qendrore.
Siç bën të ditur Ministria e Transporteve të Serbisë, me këtë plan është paguar edhe kësti i parë i “Planit Marshall për Ballkanin”, i cili u bë e ditur në Konferencën e Berlinit me liderët e Ballkanit.
Rruga Nish-Prishtinë do të kushtojë 212 milionë euro.
Ndërkaq, Shqipëria ka aplikuar për të ashtuquajturën “Autostradë të Kaltër” që kalon nëpër të gjithë vijën bregdetare shqiptare nga Velipoja në Sarandë.
Vetë zyrtarja e BEI e ka cilësuar lëvrimin e fondeve si “finalizimi i projektit të parë për Ballkanin Perëndimor”, që do të hapë mbi gjysëm milioni vende pune në të gjithë rajonin. /tesheshi.com/
