Shqipëria dhe Kosova, me një konsullatë të përbashkët në Strugë. Kjo është marrëveshja më e fundit mes Tiranë dhe Prishtinës, siç është kumtuar nga ministri i Jashtëm në detyrë Gent Cakaj.
“Sado simbolik të duket ky veprim, është megjithatë një dëshmi e prekshme, se zbatimi i projektit të shfrytëzimit të përbashkët të hapësirave të ambasadave a konsullatave mes Kosovës e Shqipërisë po vazhdon.
Ky projekt duhet të vazhdojë me çdo kusht në çdo vend ku ka mundësi objektive”, shkroi Cakaj.
Ai firmosi me bashkëpatrioten e tij kosovare, homologen kosovare Meliza Haradinaj-Stublla.
Kujtojmë që Cakaj, që kur morri detyrën e kreut të diplomacisë së Tiranës, mes shumë kontestimeve, sidomos për shkak të moshës së re, është investuar fuqishëm në hapësirën brendashqiptare në rajon, për të përçuar frymën e bashkëpunimit.
Nën këtë frymë, ai njoftoi më tej: “S’ka fjalë, ndërkaq, se ne do të vazhdojmë përpjekjen tonë për të shtuar mbështetjen politike dhe institucionale, veçanërisht për shqiptarët në Medvegjë, Bujanoc dhe Preshevë”, shkroi kryediplomati kosovar i Tiranës. /tesheshi.com/
