Marko Gjuriç, ministri për Kosovën në qeverinë e Serbisë ka inaguruar sot procesin disamujor të “dialogut të brendshëm” në Serbi për të zgjidhur problemin e Kosovës.
Siç bën të ditur B92, Gjuriç është takuar me disa përfaqësues të katedrave universitare, kryesisht të brezit të ri dhe që deri më tani nuk janë dalluar si “nacionalistë të flaktë”.
“Kam urdhër nga Presidenti Aleksandër Vuçic, që duhet të flasim kryesisht me ata personalitete të kombit që nuk e kanë thënë deri tani fjalën e tyre”, tha Vuçiç për B92, pas takimit i cili është mbajtur i mbyllur. Do jenë një serë takimesh të tilla, konkluzionet e së cilave do i bëhen më pas të ditura shoqërisë serbe.
Pikërisht ky selektim nga Vuçiç duket shpresëdhënës, pasi nuk janë sponsorizuar ato qarqe që deri tani kanë qenë edhe nga Naçertanja e famëkeqe, pamfleti për zhdukjen e shqiptarëve në shekullin e XIX si baza e qëndrimit politik serb.
Në fakt, qarqet ekstremiste në historinë e Serbisë janë financuar, mbështetur dhe katapultuar në politikë, prej Kishës Ortodokse serbe, Patriakanës ruse, por edhe Moskës zyrtare.
Është hera e parë që ky dialog i brendshëm për një mbyllje të konfliktit me shqiptarët zhvillohet në një distancë me qarqet relevante ruse. /tesheshi.com/
