Negociatat për paqen që kanë sjellë në tavolinë palët ndërluftuese në konfliktin sirian kanë hyrë në ditën e tyre të dytë në kryeqytetin e Kazakistanit.
Në axhendën e bisedimeve të sotme është zgjatja e armëpushimit të hyrë në fuqi në fund të dhjetorit, si dhe shkelja e tij gjatë kësaj periudhe.
Përmirësimi i sigurisë për t’i hapur rrugën një zgjidhjeje politike të konfliktit gjashtëvjeçar është një çështje që do të diskutohet në të njëjtin linjë.
Bisedimet po mbahen në hotelin Rixos, ku janë mbledhur përfaqësuesit e qeverisë siriane, të grupeve të armatosura opozitare, të Turqisë, Rusisë, Iranit, si dhe i dërguari i OKB-së për Sirinë, Staffan de Mistura, e ambasadori amerikan në Kazakistan, George Krol.
Përfaqësuesit shtetërorë janë të niveleve të dyta, ndërkohë që bisedimet pritet të vijojnë gjer në mbrëmjen e sotme, me një zgjatje nëse shihet e nevojshme.
Ashtu si marrëveshja e armëpushimit, dhe këto bisedime janë ndërmjetësuar nga Rusia e Turqia. /tesheshi.com/
