Fëmijëve shqiptarë me banim në Çeki, u është dhënë së fundi mundësia që të mësojnë gjuhën e nënës aty. Ka qenë një nismë e ambasadës shqiptare në Pragë që e ka bërë të mundur që nxënës të moshave nga 7 deri në 14 vjeç, thuajse të gjithë të lindur në këtë vend të Europës Qendrore, të mëzojnë abc-në aty ku u ka rënë fati të jetojnë.
Siç mësohet nga njoftimi zyrtar, mësimi zhvillohet nga mësuesja e gjuhës dhe letërsisë shqipe, Drita Çota, me një përvojë 33-vjeçare në fushën e mësimdhënies, ku përdoren tekstet me titull “Të mësojmë gjuhën amtare dhe kulturën shqiptare”, të dërguara nga Ministria e Punëve të Jashtme në Tiranë.
Ambasada shqiptare në Pragë, fton të gjithë të interesuarit, pra shqiptarë me banim të Çeki që sipas mundësive të dërgojnë fëmijët e tyre për të mësuar gjuhën amtare. /tesheshi.com/
