Në Maqedoni ka nisur procesi i verifikimit të listave zgjedhore, një ndër kushtet dhe kërkesat kryesore të opozitës, e cila nuk beson që, deri më 24 prill, datë kur janë parashikuar të mbahen zgjedhjet e parakohshme, ato të mund të pastrohen dhe rregullohen.
Janë 3 ekipe të veçanta, ku përfshihen edhe ekspertë të IT-së, të cilët kanë nisur verifikimin e imtësiëshëm të tyre, sipas sqarimit të kreut të Komisionit Shtetëror Zgjedhor, Aleksandar Cicakovski.
Por sërish opozita nuk është e kënaqur nga kjo. Këtë lloj operacioni LSDM-ja e konsideron të pamjaftueshëm. Ata këmbëngulin për një kontroll më të plotë e gjithëpërfshirës të votuesve, me pretendimin për të shkuar “derë më derë”, siç e kanë emërtuar procesin që ata dëshirojnë të bëhet. /tesheshi.com/
