Ka nisur puna sërish për fushatën propagandistike që të ndalojnë pranimin e Kosovës në Organizatën e Kombeve të Bashkuara për Trashëgiminë Kulturore dhe Natyrore, UNESCO.
Dy regjizorë serbe me banim në Kanada, kanë nisur një fushatë dy vjet më parë, të rinisur tashmë sërishm duke bërë të ditur se do të xhirojnë një material shumë të bujshëm.
Regjisorët janë Boris Malagurski dhe Filip Filipi Jankoviç, të cilët duhet thënë se janë firma në arenën ndërkombëtare.
Malagurski cilësohet nga kritika edhe si “Michael Moore serb”. Ai ka bërë disa filma kundër shqiptarëve të Kosovës, ku e cilëson ish-presidentin Bill Clinton dhe ish-sekretaren e Shtetit Madleene Allbright si kriminelë.
Në një email të shpërndarë kudo, dy regjisorët kërkojnë financime për dokumentarin e radhës, pasi sipas tyre fondet e dhëna nuk mjaftojnë. Ata kërkojnë të paktën nga 100 dollarë nga çdo person. Filmi pritet të shfaqet më pas në festivalet e filmave më të njohur në botë.
Në dokumentarët e tij, Malagurski ka tërhequr opinionet e mjaft intelektualëve të njohur amerikanë si Naom Chomsky, Oliver Stone etj. /tesheshi.com/
