Si çdo herë, me afrimin e fundvitit nis dhe fluksi në oikat doganore, njëherë nga ardhja në atdhe e emigrantëve dhe e njëherë nga ikja e tyre drejt vendeve ku punojnë e jetojnë.
Edhe pse heqin të zitë e përbetohen se nuk do shkelin më, ata sërish vijnë dhe sigurisht që sërish përballen me të njëjtin realitet.
Në krye të listës qëndrojnë si gjithnjë Kakavija, porta kryesore hyrëse e dalëse mes Shqipërisë dhe Greqisë, si dhe porti i Durrësit si porta kryesore me Italinë, dy vendet pra prej nga vjen fluksi i emigrantëve.
Autoritetet thonë se po bëjnë të pamundur për ta përballuar situatën e radhëve që katandisen në kilometrike, duke shtuar sportelet e shërbimit.
Por në rastin grek, ndodh gjithnjë që pala tjetër të punojë me një sportel më pak. Dhe kjo e shndërron, sidomos Kakavijën në një pikë ferri çdo fundviti, ose çdo mesgushti. /tesheshi.com/
