Faza e dytë e shitjes së biletave për Botërorin në Katar ka nisur të martën dhe do të përfundojë më 28 prill, njoftoi FIFA.
Biletat janë mesatarisht 30 për qind më të shtrenjta se në Kupën e mëparshme të Botës në Rusi në 2018.
Për shikuesit nga jashtë, çmimet e biletave individuale për raundin e parë variojnë nga 62 deri në 200 euro për ndeshje. Ndërsa biletat e rezervuara për banorët e Katarit variojnë nga 10 deri në 190 euro për lojë.
Për finalet, llogariten nga 550 deri në 1460 euro.
Duke pasur parasysh distancat e shkurtra midis tetë stadiumeve brenda një rrezeje prej 50 kilometrash nga qendra e Dohas, tifozët për herë të parë do të mund të kërkojnë bileta për dy ndeshje të luajtura në të njëjtën ditë, në fillim të fazës së grupeve. /tesheshi.com/
