Nis në parlament interpelanca e kërkuar nga 7 deputetë me kryeministrin Rama.
Ajo është thirrur me pretendimin e e dështimit të Shqipërisë për të hapur negociatat me BE. Deputeti Ben Blushi, njeriu që e kryeson shtatëshen kundër Ramës, tha se shtyrja e hapjes së negociatave mund të ketë efekte dëmtuese, për reformat dhe për vendin, si dhe për klimën politike
“Rrezik kryesor për modernizimin e vendeve tona është korrupsioni, krimi i organizuar dhe ekonomia e dobët që nuk jep progres. Ne duam të shkojmë si Shqiptarë në Europë, por jo të shkojmë si shqiptarë të korruptua”, tha Blushi.
Ndërkohë, qeveria e konsideron arritje për integrimin atë që ndodhi së fundi në Bruksel, edhe pse nuk pati datë të saktë. Për Ramën, mjaft të kalojë vettingu, kusht i qartë i ndërkombëtarëve, dhe më pas gjithçka është ok.
Kuvendi nisi me një fjalim të kardinalit shqiptar të sapozgjedhur të Vatikanit dhe nga Vatikani, Ernst Trashani, i cili u përcolli si mesazh politikanëve që të mos i përçajnë shqiptarët, siç janë përçarë dhe vetë.
“Kujtoni se jeni me mision shumë të lartë e mos harroni nevojat e popullit. Bëni që politika të jetë shërbim e jo përfitim dhe vetëm atëherë do të keni respektin e popullit”, tha kleriku i lartë katolik. /tesheshi.com/
