Në një përshkrim të buxhetit të ri, kryeministri Rama i mëshoi fort faktit se qeveria po mban çmimin e pangritur të energjisë, ndryshe nga sa ndodh kudo.
“Në këtë buxhet që sjellim këtu janë 50 miliardë për të mbrojtur njerëzit nga goditjet e kësaj lufte dhe për të mbrojtur të gjithë nga goditja marramendëse e inflacionit”, tha Rama.
Më tej, ai njoftoi rritjen e sërishme të pagës minimale me 38 000 lekë.
“Do të rrisim edhe një herë nivelin e pagës minimale. Kemi qëllim që ta çojmë në 36 000 lekë, ndërsa në gjysmën e dytë të vitit të ardhshëm, të bëhet 38 000 lekë.
Nga kjo rritje e menjëhershme janë 21 milionë dollarë që do të përfitohen direkt nga ata që paguhen me pagë minimale. Për 100 000 familje, janë 3500 lekë që shtohen çdo muaj me këto rritje”.
“Do të vazhdojmë të mbështesim familjet duke rritur nivelin e pagës që nuk taksohet, deri në 50 000 lekë”, shtoi Rama. /tesheshi.com/
