Edhe pse nuk është inaguruar ende, projekti i sheshit “Skënderbej” nuk ka kaluar pa u kritikuar nga qytetarët.
Ata kanë zgjedhur rrjetet sociale, ku kanë vërshuar komentet për qendrën e rikonceptuar të Tiranës dhe hapësirën e madhe të shtruar me gurë. Kritikat i mëshojnë faktit se hapësira me gurë do të jetë një “Sahara” e vërtetë në verë.
Por përsos të gjitha kritikave, bashkia ka nisur numërimin mbrapsht. Punonjësit e bashkisë po i japin dorën e fundit pastrimit pllakave, vendosjes stolave, shtrimit dhe rregullimit të lulishtes.
Hapësira e gjelbert që rrethon qëndrën është gati e barabartë me sipërfaqen e shtruar me gurë.12 lulishte me pemë të larta, shkurre dhe lule dekorative janë ngritur mes intitucioneve të qendrës.
Ndërsa mbi 100 shatërvane do të derdhen në orë të caktuar të ditës mbi pllakat shumëngjyrëshe të sheshit.
Në orën 19.30 të së shtunës tek sheshi “Skënderbej” do të hiqet rrethimi për të pritur të gjithë qytetarët, kuriozët, kritikët dhe skeptikët për të parë nga afër qëndren e re.
Deri në orët e vona të mbrëmjes do të ketë aktivitete, koncerte me muzikë nga të gjitha trevat, ashtu si elementet që përmban ky shesh, gurët dhe bimësia./tesheshi.com/
