Policët në të gjithë Evropën kanë nisur një javë veprimesh për të rritur kontrollin e shpejtësisë në rrugë.
Aksioni është duke u realizuar në të 29 shtetet Anëtare të Rrjetit Evropian të Policisë së Trafikut (TISPOL).
TISPOL njoftoi se policia do të përdorë një sërë pajisjesh dhe metodash për të përcaktuar shpejtësinë në të gjitha llojet e rrugëve gjatë aksionit.
Pas ndalimit të çdo automjeti që tejkalon kufirin e shpejtësisë, oficerët gjithashtu do të kontrollojnë përdorimin e rripave të sigurimit dhe kontrollojnë që shoferi është apo jo nën ndikimin e alkoolit.
Qëllimi i aksionit është të rritet ndërgjegjësimi për rreziqet e shpejtësisë, si dhe të përkujtojë drejtuesit për përfitimet e ecjes me një shpejtësi të përshtatshme dhe të përcaktuar për të gjithë përdoruesit e rrugës. /tesheshi.com/
