Serbia dhe Rusia rihapin mesjetën dhe e kthejnë këtë atmosferë sot në shekullin e 21-të në Ballkan.
Turi moskovit i presidentit serb, Tomislav Nikoliç në Moskë është rregulluar si një “rilindje” e mesjetës së “lavdishme” serbe, ndërkohë që Beogradi bën negociata me Brukselin për të pasur marrëdhënie të mira me Prishtinën.
Siç bën të ditur agjencia shtetërore serbe Tanjug, Nikoliç ka biseduar në Kremlinin për të sjellë nga Shën Petërsburgu një dorëshkrim mesjetar që ata e quajnë “Ungjilli i Gaspërit”, një kopje në cirilike e Biblës e cila u përdor nga i vëllai i Stefan Nemjaniçit, mbretit të Rashës, i cili ishte dhe kryepeshkop i kishës serbe.
Ndërkaq, presidenti i Rusisë, Vladimir Putin, bëri të ditur gjatë takimit me Nikoliç se kryeministri rus, Dimitri Medvedev do të zhvillojë shumë shpejt një vizitë në Beograd.
“Unë shpresoj dhe duhet të analizojmë me detaje marrëdhëniet tona. Në Beograd do të shkojë vetë kryeministri për ta bërë këtë”, tha Putin në fillim të takimit.
Ai tha se marrëdhëniet me Serbinë lidhen me evente të mëdha historike. Putin e falënderoi Nikoliçin për çmimin që i tha atij me motivacionin “Për bashkimin e ortodoksëve”.
Ndërkaq, Nikoliç u fut edhe në Lindje të Mesme për diskutime ku e falënderoi Putinin për të ashtuquajturën “luftë të Rusisë ndaj ISIS-it”.
Nikoliç iu betua Putinit se Serbia do të mbetet neutrale nga ana ushtarake.
Ai tha se Putin ishte alarmuar nga marrëveshja që ka firmosur qeveria serbe ne NATO-n dhe të gjitha këto do të diskutohen nga qeveria e re që do të dalë pas zgjedhjeve të 24 prillit.
Përgatiti: Ylli Pata – /tesheshi.com/
