“Nike” njofton kalimin e Coutinho-s në janar tek Barcelona, pastaj e heq njoftimin nga web-i

Që Barcelona do ta marrë përfundimisht brazilianin e Liverpool, Philippe
Coutinho, pasi e mban prej një viti nën një “markim” serioz, kjo dihet, por që
do ta blejë që në janar, këtë e ka zbuluar vetëm firma “Nike”. Në fakt ka qenë
një gabim që kompania e veshjeve sportive ka nxjerrë në faqen e saj në web, ku
është shënuar se Coutinho kalon tek klubi katalanas që në janar. “Philippe
Coutinho është gati të ndezë Camp Nou-n. Pas 6 janarit, del në treg edhe bluza
e personalizuar me emrin e tij të stampuar në të” – ka shkruar “Nike”, e cila më
pas e ka fshirë menjëherë këtë njoftim. Por ka qenë e kotë, pasi “lajmi” ka
marrë dhenë dhe në mënyrë virale është shpërndarë kudo. Në fakt Barcelona
dhe Liverpool po bisedojnë ngushtësisht për të arritur një marrëveshje për 25
vjecarin, i cili me shumë gjasa, do të kalojë në Spanjë në merkaton e verës, për
shumën e 125 milion stërlinave. Ose mbase agjentët e “Nike” dinë dicka më
tepër, e kalimi i mesfushorit tek Barcelona, vjen që në janar…Na shkau
gau…themi ne shqiptarët në këto raste. /tesheshi.com/