Ajo teza me njohur ngushëlluese se korrupsion ka në të gjithë botën bëhet më reale nga fakti se një proces auditi ndaj Brukselit, ka nxjerrë në pah faktin se Bashkimi Evropian ka shpërdoruar rreth 5,5 miliardë euro të buxhetit gjatë vitit 2015. Kjo u njoftua nga organi i auditimit të bllokut, Gjykata Evropiane e Auditit (ECA). Dhe sipas këtij organi, kjo mund të çojë në një humbje të besimit të qytetarëve.
“Njerëzit nuk mund t’u besojnë institucioneve të BE-së nëse ata nuk besojnë se jemi duke u kujdesur për paratë e tyre ashtu siç duhet si dhe po mbajmë një llogari të saktë sesi i menaxhojmë ato”, tha shefi i ECA-së, Klaus-Heiner Lehne.
Parregullsitë prekin 3,8 për qind të buxhetit të BE-së për vitin 2015, ndërsa shpërdorimi i një viti më parë ishte 4,4 për qind, ndërkohë që gjykata e auditimit priste të kishte një shifër më pak se dy për qind.
Tek ne në Shqipëri, proceset e auditimit në administratën shtetërore, ndërmarrë nga KLSH, rezultojnë çdo vit me abuzime të frikshme të fondeve. Dosjet i kalojnë prokurorisë, por procese ndëshkuese ligjore pothuajse nuk hapen fare. /tesheshi.com/
