Meteorologët parashikojnë se moti i ftohtë nuk do të qëndrojë gjatë, vetëm një javë.
Siç mësohet, përveç disa ditëve me reshje bore dhe erëra të forta, javën e ardhshme pritet të ketë ritje graduale të temperaturës.
Në vendet malore temperaturat do të vazhdojnë të kapin zeron në mëngjes, kurse në vendet e ulëta dhe bregdet pritet që temperaturat të shkojnë madje deri në 14 gradë më e larta, kurse ato më të ulta do të sillen rreth 4 gradë celcius.
Ndërkaq në disa zona malore të Shqipërisë reshjet e dëborës kanë shkaktuar problem në qarkullim.
Përdoruesit e Rrugës së Kombit duhet të kenë kujdes pasi ka rrëshqitje. Në afërsi të tunelit të Kalimashit, katër borëpastruese nisën punën për pastrimin e këtij aksi dhe hedhjen e kripës.
Si pasojë e ngricave dhe reshjeve të dëborës në aksin Tuneli Kalimashit- Morinë, policia u bëri thirrje drejtuesve të mjeteve të ecin me shpejtësi të kufizuar, me qëllim parandalimin e aksidenteve rrugore. /tesheshi.com/
