Të gjithë e dimë se ngjyra më normale e urinës së njeriut është e verdha, por shumë shpesh vëmë re se ngjyra e verdhë mund të marrë nuanca nga më të lehtat tek ato më të errëtat. Çngjyrimi apo përgjakja e urinës janë shenja se diçka është duke shkuar keq në organizmin tuaj
Cila është ngjyra normale e urinës?
Ngjyra normale e urinës së njeriut varjon nga e verdha e tejdukshme në qelibar të errët. Ajo është një lëng steril i cili përjashtohet nga trupi dhe produktet qelizore të metabolizmit. Disa lloj pijesh që ju konsumoni, sëmundje të ndryshme nga të cilat jeni prekur apo edhe ushqime të caktuara që hani mund të jenë shkaktarët e ndryshimit të ngjyrës së urinës.
Urina ka ngjyrë të verdhë për shkak të një pigmenti të njohur si urokrom. Nëse urina juaj është me e errët se zakonisht, kjo është shenjë se nuk keni konsumuar mjaftueshëm lëngje. Përgjithësisht nuk keni pse të shqetësoheni nëse urina anon nga ngjyra e errët dhe nuk është ashtu siç do të duhej të ishte. Gjithçka që duhet të bëni, është të pini më shumë lëngje.
Ngjyra shqetësuese të urinës
Urina e kuqe apo rozë – Përgjithësisht disa ushqime që janë të kuqe (panxhari) mund të shkaktojnë ndryshimin e ngjyrës së urinës. Disa laksativë dhe droga të caktuara mund të jenë shkaku i urinës së kuqe. Në disa raste, gjaku në urinën tuaj mund të tregojë një problem serioz me kancerin në veshka, gurët në veshka apo probleme me prostatën.
Urinë blu apo jeshile – Kjo shkaktohet përgjithësisht si pasojë e diçkaje që keni konsumuar më parë. Disa ushqime, pije apo medikamente kanë aftësinë të bëjnë urinën tuaj të duket ngjyrë blu apo jeshile. Asparagu mund të ndikojë në ngjyrën e urinës dhe e bën atë të duket si në jeshile.
Urina e shkumëzuar – Kjo nuk ndikon në ngjyrën e urinës, por nëse urina është si me shkumë, pasojat mund të jenë me të vërtetë alarmante. Zakonisht, kur keni mungesë apo tepricë të madhe proteinash, mund të shfaqet shkuma në urinë.
Urina si kafe – Kjo mund të jetë shenjë e infeksioni në traktin urinar apo si pasojë e gurëve në veshka. Tek meshkujt, gurët në veshka mund të shkaktojnë ngjyrën kafe të urinës si dhe urinë tepër të ngrohtë.
Urina portokalli – Disa mjekime me panxhar apo manaferra ndikojnë në ngjyrosjen e urinës në portokalli. Bëni kujdes sepse kjo është edhe shenjë e dehidratimit./tesheshi.com/
