Konsiderohen si speciet më të preferuarit e njerëzve, jo vetëm prej pamjes fizike, apo kostos së ulët, por edhe për tingujt e cicërimave të tyre. Për herë të parë në Shqipëri është organizuar Festivali Ndërkombëtar i Zogjve.
Në event u ekspozuan mbi një mijë shpendë dhe mbi 300 raca të ndryshme. Festivali u zhvillua nga Shoqata ” Mbarështuesit e Kanarinave”-Shqipëri, ne bashkëpunim me Shoqatën e Ornikulturës së Pulias në Itali, si dhe u mbështet nga ministria e Mjedisit.
I pranishëm në këtë aktivitet ishte zv/ministri i Mjedisit, Kledi Xhaxhiu, i cili vlerësoi ngjarjen dhe theksoi se ky aktivitet, i pari në nivel ndërkombëtar në Shqipëri ka për qëllim të ndërgjegjësojë publikun dhe mbarështuesit në veçanti për të drejtat dhe detyrat që ushtrohen ne hobin e mbarështimit te zogjve, në zbatim të legjislacionit shqiptar.
“Aktiviteti u shërben mbarështimit të specieve të kultivuara, sidomos atyre që rrezikohet të zhduken, nëse nuk mbështeten nga kultivimi artificial (nga njeriu) siç është lloji i kanarinës së butë, për të ruajtur dhe zhvilluar këto specie që janë një dëshmi e gjalle e përpjekjeve qindra vjeçare te kultivuesve të pasionuar, për ruajtjen e larmisë biologjike te specieve qe nuk mund te riprodhohen ne kushte natyrore”, tha Xhaxhiu.
Ekspertë te huaj kanë shpjeguar se kjo është e para ekspozitë ornitologjike në Shqipëri, dhe shpresohet që së shpejti të shndërrohet në një traditë të përvitshme.
Madje, shumë prej nesh mund ta shikojnë mbajtjen e specieve, si zogjtë, si një mundësi të mirë argëtimi dhe relaksi, se sa kafshëve të rrezikshme, siç mund të jetë qeni i llojit “pitbull”. Aq më tepër, që këta të fundit qarkullojnë lirshëm nëpër rrugët e Tiranës, sidmos, pa maska dhe pa siguri se nuk përbën kërcënim për kalimtarët, veçanërisht për fëmijët. Jashtë territorit shqiptar janë shënuar edhe raste fatale, ku qenë të racave të këtilla janë shëndërruar në një “armë” vrasëse për të zotët dhe familjarët e tjerë, apo edhe për kalimtarët e rastit./tesheshi.com/
