Një ekipi ekspertësh i është dashur 3 muaj punë duke u munduar të përcaktojnë se cila është ngjyra më e shëmtuar në të gjithë botën. Pas një kërkimi të detajuar ku kanë marrë reagimet më negative mes publikut të gjerë, ngjyra më e shëmtuar është cilësuar Pantone 448C, e njohur gjithashtu si mat Couche. Një ngjyrë në nuancën e kafes dhe portokallisë, e cila është cilësuar nga të intervistuarit si “e pistë” ose “e vdekur”.
Por përse është bërë një kërkim kaq i detajuar dhe çfarë përfitimesh mund të sjellë, apo si mund të përdoret gjerësisht kjo ngjyrë për të pasur një impakt pozitiv tek njerëzit? Pra, cili është qëllimi i këtij kërkimi? Në fakt, ekspertët thonë se një ngjyrë e tillë mund të jetë një aleat shumë i mirë në luftën kundër pirjes së duhanit.
Në vitin 2012, kërkuesve në Gfk Bluemoon janë autorizuar nga qeveria australiane për të hartuar paketimin e ri, i cili do të dekurajojë njerëzit nga blerja e cigareve.
Mbi 1 mijë konsumues duhani kanë marrë pjesë në studim gjatë tre muajve për të identifikuar ngjyrën më të shëmtuar dhe rezultati ka qenë se couché opaco i është shtuar listës së ngjyrave të shëmtuara, ndaj me këtë ngjyrë janë veshur të gjitha paketat e cigareve që shiten në Australi.
Tashmë që ky eksperiment dha rezultatet e tij të para në Australi, edhe Mbretëria e Bashkuar, Irlanda e Franca kanë zgjedhur Pantone 448C për konfeksionet e paketave. /tesheshi.com/
