Ka ngjarë si humor krizë në politikë ajo që banorë protestues të “Astiri” kërkuan që ish-deputeti democrat Klevis Balliu, i eliminuar nga gara në një proces brenda PD-së, të kandidojë për ta në Tiranë.
Me anë të një letre, ata i kërkonin kryedemokratit Basha që Balliun t’jua kalonte atyre si përfaqsues nesër në parlament, pasi vuanin faktin që nuk do ish më aty.
Sipas tyre, Balliu kishte sakrifikuar për ta, kishte qenë udhëhëqësi i tyrë në dhjetra protesta, e se ai ishte i duhuri për t’i përfaqësuar.
Pasi i shkruanin të gjitha këto në një letër publike, ata së fundi kanë organizuar dhe një protestë me pankarta në vlerësim të Balliut.
“Na mungon Klevis Balliu, këtu janë të mirëpritur të gjithë demokratë, por mungesa e Klevisit lë shumë pikëpyetje për Unazën e re. Ne do jemi me Klevisin , siç ka qenë Klevisi me ne”, tha një protestues, anëtar i PD-së.
“Klevis faleminderit për kontributin që ke dhënë për Unazën e Re, je i pazëvendësueshëm”, shtoi një tjetër.
Klevis Balliu është futur në politikë nën shenjën e të atit, zërit mediatik të PD-së, Fahri Balliu, dikur gazetar i ZP-së.
Protagonizmi i tij politik e ka bërë dhe anekdodik, sidomos kur shkruan statuse politike në rrjete, pasi shpërfaq një mungesë të theksuar të aftësisë së të shkruarit korrekt të shqipes. /tesheshi.com/
