Pas zhurmës së shkaktuar nga videot dhe fotot nga mali K2 (i njohur edhe si “mali i egër” për shkak të ngjitjes së tij të rrezikshme) që tregon alpinistët duke kaluar pranë një udhërrëfyesi të rënë i cili përfundimisht vdiq, autoritetet në provincën Gilgit-Baltistan të Pakistanit kanë urdhëruar një hetim për rrethanat dhe shkaqet e ngjarjes tragjike.
Sipas Deutsche Welle, ndër pyetjet që anëtarët e komitetit special do të hetojnë janë: Çfarë ka ndodhur saktësisht me 27-vjeçarin Muhamed Hassan më 27 korrik? A mund të ishte bërë ndonjë gjë për të shpëtuar jetën e tij? A ishin të mjaftueshme aftësitë e njeriut të pafat për ta lejuar pjesëmarrjen në ekspeditën alpinistike dhe a kishte ai pajisjet e nevojshme për një ngjitje kaq të vështirë prej 8000+ metrash?
Pak përvojë, pajisje të pamjaftueshme
Sipas të dhënave të publikuara nga mediat gjermane, përgjigja e pyetjes së fundit është qartazi “jo”.
E veja e Hassan i tha alpinistit gjerman Wilhelm Steidl dhe kameramanit gjerman Philip Flamig, të cilët e vizituan atë për t’i shprehur ngushëllimet e tyre se burri i saj i ndjerë kishte punuar vetëm si udhërrëfyes në ekspeditat deri në kampin e alpinistëve në 5100 metra. Megjithatë, këtë herë 27-vjeçari vendosi të shkojë deri në 8000 metra, sepse i duheshin para për t’u kujdesur për nënën e tij të sëmurë. Ditën që vdiq, Hassani ishte pjesë e ekipit që po instalonte litarë në rrugën drejt majës së K2 për ta bërë më të sigurt kalimin e alpinistëve. Pothuajse 200 alpinistë u përpoqën të pushtonin “malin e egër” në atë ditë fatale, ku vetëm gjysma ia dolën në fund.
'70 mountaineers stepped over a living guy who needed help'
Willhelm Steindl claims there was "no rescue mission" to try to help Muhammad Hassan who died while climbing K2
Renowned mountaineer Kristin Harila has denied the claims
Story: https://t.co/FtufwuEBsp pic.twitter.com/EXms26rZKm
— Sky News (@SkyNews) August 11, 2023
Hassani nuk kishte përvojën e nevojshme për lartësi të tilla, por, siç duket, pajisjet e tij ishin gjithashtu të pamjaftueshme. Kristin Harila, një nga alpinistët që është kritikuar rëndë për trajtimin e vdekjes së pakistanezit, vuri në dukje se Hasani nuk kishte veshur një maskë oksigjeni ose kostumin e duhur. Harila ishte një nga alpinistët që më 27 korrik arriti në majën e K2, e mbështetur nga udhërrëfyesi nepalez Tenjen Sherpa, një arritje që e festoi më vonë, pavarësisht tragjedisë që “shënoi” ditën.
Tregime kontradiktore se kur vdiq udhërrëfyesi
Incidenti ka ndodhur në të ashtuquajturën qafa “bottleneck”, një pikë kyçe në shtegun për në majën e K2. Atje, alpinistët duhet të kalojnë një shteg shumë të ngushtë dhe të pjerrët, ku ortekët janë një dukuri e shpeshtë. Disa e kanë krahasuar shtegun me “Ruletën Ruse” për shkak të rrezikut aty, ku qëllimi i alpinistëve është të kalojnë në anën tjetër sa më shpejt që të jetë e mundur.
Për shkak të numrit të madh të alpinistëve që tentonin të pushtonin K2 më 27 korrik, ishte krijuar një radhë e gjatë për shumë orë në “blloqe”. Ndonëse atë ditë pati disa orteqe të vogla, fatmirësisht nuk pati ndonjë të madh, përndryshe mund të mbahej zi për shumë viktima.
Anwar Syed, kreu i kompanisë pakistaneze Lela Peak Expedition që kishte punësuar Hasanin, tha se vdekja e tij ishte e shpejtë dhe ai nuk vuajti shumë. “Ai vdiq pas disa minutash. Ndaj nuk ka pasur kohë të mjaftueshme për ta shpëtuar”, tha ai.
Kjo deklaratë kundërshtohet jo vetëm nga dëshmia e Harilas, e cila thotë se ekipi i saj ka qëndruar në vendngjarje për një orë e gjysmë në përpjekje për të ndihmuar burrin, por edhe nga pamjet e publikuara nga kameramani gjerman Flamig, në të cilat shihet një alpinist duke i bërë masazh Hassanit. Në këtë video të veçantë, këmba e fatkeqit shihet duke lëvizur.
Të gjithë ata që arritën në majë të malit atë ditë kaluan Hassanin, shumë prej tyre dy herë, në ngjitje dhe zbritje. “Sipas dëshmisë së tre personave të ndryshëm, ky njeri ishte gjallë pasi rreth 50 njerëz e kaluan atë”, tha Fleming për Der Standard. “Disa madje thanë se ata besojnë se njeriu ishte ende gjallë kur e kaluan atë duke zbritur.” /tesheshi.com/
