Me një praktitë të theksuar të tipit “Bravo çuna”, kreu i ri i Rendit, Taulant Balla, ka përcjellë vlerësim për forcat policore që ekzekutuan 62-vjeçarin Ramiz Muçollari në Maliq. Ky i fundit, pasi plagosi bashkëshorten dhe të birin, u ngujua dhe nisi të qëllonte mbi uniformat blu, deri kur RENEA vendosi t’ja ndërpriste jetën me një plumb.
“Mirënjohje forcave RENEA dhe atyre të Drejtorisë Vendore të Policisë Korçë për kryerjen e detyrës gjatë gjithë natës së mbrëmshme deri sot në mëngjes në Maliq edhe në kushtet e kërcënimit për jetën, sepse thirrjeve të Policisë së Shtetit, shtetasi që kërkohej të ndalohej, ju kundërvu me përdorimin e armës ndaj policisë. Në këto rrethana përcaktimet ligjore janë të qarta dhe Policia e Shtetit zbatoi Ligjin.
Dua ta siguroj publikun se çrrënjosja e dhunës ndaj grave dhe dhunës në familje është një detyrë kryesore.
Çdo grua, çdo vajzë duhet të ketë besimin se telefonata e saj tek Policia është vendimi i duhur që sjell çlirimin nga makthi dhe fitoren e ligjit mbi padrejtësinë dhe dhunën”, shkruan Balla.
Duhet theksuar se ky është i pari rast kur një ministër Rendi përshëndet një ekzekutim nga Policia brenda një konteksti ligjzbatues, pra paçka humbjes së një jete.
Kujtojmë se në mënyrë në ngjashme u ekzekutua shtetasi minoritar Kostandono Kacifas në Bularat të Gjirokastrës, këtu e pak vite më parë, pa asnjë deklarim të tillë. /tesheshi.com/
