Ministri i Mbrojtjes Niko Peleshi tha se ajo çfarë ndodhi në Gramsh, me një treshe “turistësh” rusë që tentoi të hyjë forcërisht në Uzinën Ushtarake të atyshme, madje dhe duke sulmuar rojet ushtarake shqiptare, s’mund të kalojë si në incident i zakonshëm. ‘
“Çështja është një ngjarje edhe në kontekstin gjeopolitik. Nuk mund të kalojë si një incident i zakonshëm. Fakti që është reaguar dhunshëm na bën të jemi më të vëmendshëm.
Nuk mund të them nëse janë blogerë apo jo. Kemi të bëjmë me një ngjarje se ka dhunë brenda. Janë futur në një
ambient ku nuk duhet të lejohet të futen. Kemi të drejtë të dyshojmë për spiunazh, pasi çdo shtetas i huaj që futet në një zonë ushtarake për të fotografuar dyshohet për spiunazh”, tha Peleshi pas vizitoi në spital dy ushtarakët shqiptarë që bënin roje në objekt.
Ata u qëlluan nga njëri prej tyre, me spraj kimik në fytyrë.
“Gjendja e ushtarakëve është e mirë, sot janë gati për të dalë. Po presim të zbardhet ngjarja. Ajo që ka ndodhur edhe nga dëshmia e ushtarakëve është se tre shtetas të huaj i janë afruar ish-uzinës ushtarake të Gramshit. Nuk ka aktivitet si godinë.
Një prej tyre ka kapërcyer rrethimin në mënyrë të paligjshme. Në këtë moment dy ushtarakët i kanë parandaluar. Shtetasi rus ka përdorur një spraj dhe pavarësisht lëndimit, ushtarakët e kanë ndaluar shtetasin e huaj. Më pas janë ndaluar edhe dy shtetasit e tjerë”, detajoi Peleshi. /tesheshi.com/
