Prej kreut të diplomacisë britanike, Boris Johnson është kërkuar që të shmang gjykimet të cilat janë politikisht të ndjeshme karshi ngjarjeve botërore, derisa të mos ketë në posedim fakte të plota. Gjithë ky qortim vjen pas Johnson, gjatë prononcimit të tij mbi ngjarjen e Mynihut, ia adresoi autorësinë të ashtëquajturve “terroristë islamikë”, ndërkohë që ai rezultoi një shtetas gjerman 18-vjeçar me probleme mendore.
Duke folur në lidhje me sulmin e së premtes, gjatë një konference për shtyp në Neë York, Johnson u tha gazetarëve se sëmundja globale e terrorizmit duhet të shërohet në burimin e saj, në Lindjen e Mesme.
“Nëse, e siç po duket shumë e mundshme, ky sulm del të jetë edhe një incident terrorist, atëherë mendoj se kjo dëshmon edhe njëherë faktin se kemi të bëjmë me një dukuri globale dhe sëmundje globale, e cila duhet të trajtohet në burimin e saj – në zonat ku kanceri është inkubuar, në Lindje të Mesme,. dhe gjithashtu në mbarë botën”, tha Johnson.
Dhe si reagim, Tom Brake, zëdhënësi për politikë të jashtme i liberal-demokratëve, citohet të ketë thënë: “Vetëm disa ditë në rolin e tij të ri, Boris Johnson dëshmoi edhe një herë se sa kemi rrezikuar shumë me emërimin e tij si ministër i Punëve të Jashtme. Në të ardhmen, Boris duhet të mbajë gjuhën e tij, derisa të posedojë plotësisht fakte për atë që thotë”. /tesheshi.com/
