Faktori grek në jug të vendit ka zgjedhur ta sheh si hero Kostandinos Kacifasin, 35-vjeçarin minoritar, i cili të dielën mbeti i vrarë nga plumbat e forcave RENEA, pasi për orë të tëra shtiu mbi to dhe policinë, në një akt ende të pashpjegueshëm.
Te vendi ku ai u vra pas një rrethimi disaorësh e thirrjeje gjithashtu për t’u dorëzuar, janë vendosur lule dhe një flamur grek. Detaji kompromentues në këtë rast është pikërisht flamuri, theksimi i identitetit të tij nacional, karta e fortë që po luajnë qarqe ekstremiste në Greqi apo minoritet, për ta shfajësuar të ndjerin ndaj rebelimit të tij të armatosur që vuri në rrezik jetën e forcave të rendit.
Edhe pse pas dy ditësh ngjarja është tashmë e qartë dhe pa dritëhije, veç motiveve se pse 35-vjeçari vendosi atë ditë që armatosej dhe të qëllonte në drejtim të forcave të rendit, pala greke mban anën e njeriut të saj. /tesheshi.com/
