Në Shkodër janë rikthyer skenat e përmbytjeve, ndonëse jo aq apokaliptike sa vitet e kaluara, ku dhe në qytet arkullimi bëhej vetëm me varka.
Tashmë, prej ditësh nën ujë janë tokat në Anën e Malit dhe disa zonave të tjera. Sipas Emergjencave Civile në Prefekturë, në fshatin Obot rreth 60% e banesave kanë prezencën e ujit në oborret e tyre, ndërsa mbi rrugën e Obotit ka rreth 40 cm ujë, e kalueshme vetëm për mjetet e larta. Niveli i përmbytjes në Njësinë Administrative Ana Malit, rreth 500-600 ha tokë.
Janë të izoluar 35 fermerë me fermat e tyre blegtorale ku përfshihen rreth 100 krerë gjedh, 100 krerë derra dhe 300 të imta në Fshatin Obot dhe Muriqan të Nësisë Administrative Ana Malit.
Ka sipërfaqe të tokës së përmbytur, kryesisht tokë bujqësore në bashkinë Shkodër, kryesisht në Njësitë Administrative Bushat, Bërdicë, Dajç, Velipojë, Ana Malit, Guri Zi, Madhe.
Forcat e Armatosura, që nga ora 06:30 datë 07.03.2018 kanë anagzhuar në fshatin Obot 20 trupa, 3 varka dhe 3 mjete të rënda të cilët po vijonë evakuminin e banorëve.
Përmbytjet kanë ardhur si nga shkrirja e borës së rënë prej ngritjes së temperaturave e si nga rreshjet. /tesheshi.com/
