Pesëmbëdhjetë persona u plagosën mbrëmë në një aksident autobusi në lagjen veneciane të Mestres në veri të Italisë, pak më shumë se shtatë ditë pasi 21 persona humbën jetën në një aksident tjetër autobusi.
Policia tha se autobusi elektrik ka dalë në një kthesë nga rruga dhe është përplasur me një pallat banimi. Gjithsesi, jeta e askujt nuk është në rrezik.
#Mestre un'altro autobus difettoso??🤔⬇️ pic.twitter.com/dKRc6Qqacc
— maelmale (@maelmale) October 15, 2023
Kryebashkiaku i Venecias Luigi Brugnaro tha në një postim në mediat sociale se përdorimi i të gjithë autobusëve La Linea në rajonin e Venecias “do të pezullohet menjëherë”. Autobusi i përfshirë në aksidentin fatal në fillim të këtij muaji ishte gjithashtu një autobus La Linea.
Në fillim të kësaj jave, zyra e prokurorit publik të Italisë hapi hetimet ndaj menaxherit të përgjithshëm të La Linea dhe dy zyrtarëve të këshillit bashkiak përgjegjës për mirëmbajtjen e urave dhe rrugëve pas aksidentit fatal më 3 tetor, kur një autobus turistik doli nga një mbikalim dhe shpërtheu në flakë.
Automjeti transportonte turistët nga qendra historike e Venecias në kampin në Marghera aty pranë. Nga autopsia e kryer mbi shoferin 40-vjeçar, ai ishte shëndoshë e mirë, pas spekulimeve fillestare se mund t’i kishte rënë të fikët.
Sipas mediave italiane, drejtuesi i autobusit që goditi godinën të shtunën ka humbur kontrollin për shkak të problemeve shëndetësore. Ashtu si shumica e pasagjerëve, ai shpëtoi me lëndime relativisht të lehta. /tesheshi.com/
