Një i ri nga Sidnei u gjend në një situatë turpëruese teksa këmbët e tij ngecën në një lavatriçe për rreth tre orë.
22 vjeçari u bllokua në makinën larëse nga mesi deri te këmbët ditën e 26 korrikut në shtëpinë e tij në Lakemba.
“Kjo ishte një detyrë interesante sepse stafi kurrë nuk kishte shpëtuar dikë në një situatë të tillë”- postuan në Facebook ditën e hënë Forcat Zjarrfikëse NSW Fire and Rescue.
Lavatriçja u çmontua nga forcat e emergjencës për rreth një orë derisa më në fund arritën ta nxirrnin pacientin nga pjesa e hekurt e makinerisë.
“Është një ndër punët më të pazakonta që kemi kryer” – u shpreh officer David Cross për DailyMail në Australi
Z.Cross gjatë gjithë 35 viteve të tij në këtë profesion ka shpëtuar fëmijë që ngecnin në makineri të ndryshme por ky operacion ishte një ndër më të çuditshmit.
Shkaku i bllokimit të 22 vjeçarit në makinën larëse nuk është bërë ende i ditur./tesheshi.com/
