Festa e Flamurit është shoqëruar dhe ajo me një thumbim politik mes palëve, ku për herë të parë shkak kanë qenë datat historike.
Kreu demokrat Basha ngatërroi një vit nga e shkuara skënderbejane, të cilën më pas ia vuri në dukje e ja korrigjoi kryeministri Rama.
“Gëzuar nga zemra të gjithë shqiptarëve ditën e shenjtë të flamurit, ditën e pavarësisë së lirisë së Shqipërisë. Sot përkulemi në ditën më të thellë përpara simbolit tonë kombëtar, flamurit të Kastriotëve që u ngrit për herë të parë në kështjellën e tyre në 1944… 1444”, tha Basha, për t’u përballur me reagimin e Ramës:
“Kush kujton se është thjesht një ngatërresë me 5 shekuj e gjysëm për shkak të katrave e ka gabim, se Artisti jo vetëm s’e di që flamuri i Kastriotëve u ngrit në 1443, po kujton se kështjella e tyre është në Lezhë ku u mbajt mbledhja Besëlidhjes së 1444 Flm që na bën të qeshim”.
Ky zhvillim dhe me nota humori vjen ndërsa pak ditë më parë, Rama kapi një gabim në një shifër të ofruar nga Basha, vënë në akuzën e njohur tashmë, atë të abuzimit të pretenduar me projektin e Unazës së re. /tesheshi.com/
