Ish-përfaqësuesi i parë i lartë i bashkësisë ndërkombëtare në Bosnje, diplomati i njohur suedez Carl Bildt ka shkaktuar një reagim në rrjete pasi në Tëitter publikoi një fotografi të Sarajevës së vjetër.
Fotoja tregon gra vendase të mbuluara fetarisht dhe tradicionalisht, që, në një koment të shkurtër të Bild janë marrë si “lëndë e parë” për këtë konkludim, siç ai ka shkruar: “Ka përparime në botën tonë. Kjo është Sarajeva e një shekull më parë ose më shumë”.
Por pas kësaj, në llogarinë e tij ka patur një furi reagimesh, ku kanë veçuar kthimet me të “njëjtën monedhë”
Fjala vjen, dikush i shkroi: “Me të vërtetë (ka përparim), kjo është Suedia nga vitet 1930”, duke përzgjedhur disa fotografi të rastësishme nga atdheu i Bildt.
Në një tjetër rast, i janë përgjigjur me foto të sundimtarëve të Austrisë në fillim të shekullit të 20-të. “Po, vërtet Mbreti dhe Mbretëresha, e kjo e fundit e mbuluar nga koka deri te këmbët. Viti 1916.”
Ndërsa dikush i ka kujtuar diplomatit suedez Sarajevën e luftës nga viti 1992 deri në 1995, si për t’i thënë që brengë e tij duhet të jetë ajo luftë e jo veshja e grave dekada më parë.
