Një tjetër bashki nga 30 Qershori do mbetet pa kryetar.
Një infarkt i ka marrë jetën njeriut që drejtonte Rrogozhinën, Haxhi Memolla.
Ai ka dhënë frymën e fundit në Peshkopi, pasi ndodhej aty duke shoqëruar ekipin e Egnatias, i cili ndeshej me Korabin vendas.
Vdekja i ka ardhur krejt paprimtas, teksa ka qenë duke konsumuar një kafe në pushimin e ndeshjes.
Memolla pasoi në detyrë Beqir Nuredinin e PDIU-së, i dalë nga votimet e 30 Qershorit, pa patur rivalë.
Veç rasteve të natyrës politike, Bashkia e Rrogozhinës mbetet tashmë pa kryetar për shkak të një fatkeqësie njerëzore. Në të gjitha rastet, presidenti Meta nuk ka pranuar të shpallë zgjedhje të pjesshme. Këtu përfshihet Shkodra, Vora, Durrësi, e tashmë edhe Rrogozhina. /tesheshi.com/
