Në kohën e krizës politike në vitin 2014-të, kur LDK, VV, AAK e NISMA refuzuan të bëjnë koalicion me PDK-në dhe u bashkuan për një kohë kundër saj, Thaçi përmes një foto të realizuar në fund të një tuneli, kishte shkruar se “po e shoh dritën në fund të tunelit”, duke paralajmëruar fundin e krizës.
Një deklarim të tillë gjatë një tubimi të mbajtur sot në Ferizaj, e ka bërë edhe kandidati për deputet i VV-së, Glauk Konjufca, duke aluduar në fitoren e partisë së tij dhe rënien nga pushteti të PDK-së.
“Po shoh një dritë në fund të tunelit, e ajo është Vetëvendosje”, tha Konjufca para ferizajasve, ndërsa premtoi se subjekti i tij do t’ia kthejë drejtësinë dhe zhvillimin ekonomik vendit. /tesheshi.com/
