Qeveria e Maqedonisë Veriore thotë se ka shtyrë zgjedhjet e parakohshme parlamentare të planifikuara për 12 Prill për shkak të epidemisë së sëmundjes COVID-19.
Siç u tha, një dekret me forcë juridike për të “pezulluar të gjitha aktivitetet elektorale dhe të gjitha çështjet në lidhje me procesin zgjedhor” u miratua në seancën e mbrëmshme.
Vendimi është marrë nga qeveria në Shkup për shkak të një gjendje të jashtëzakonshme të deklaruar për të parandaluar në mënyrë efektive futjen dhe përhapjen e koronavirusit dhe për shkak se parlamenti i Maqedonisë Veriore (i cili u shpërnda në 16 shkurt për zgjedhje) nuk mblidhet për të rrëzuar vendimin për shpërndarjen.
“Në rrethana të tilla, për shkak të nevojës urgjente për të zbatuar me sukses masat në vend, qeveria ka nxjerrë një dekret për të pezulluar të zgjedhjet parlamentare të planifikuara për 12 prill”, u tha në një njoftim për shtyp
Komisioni Shtetëror i Zgjedhjeve është përgjegjës për sigurimin dhe ruajtjen e dokumentacionit ekzistues deri në mbajtjen e aktiviteteve zgjedhore, pas shpalljes së gjendjes së jashtëzakonshme.
Drejtuesit e partive politike të Maqedonisë Veriore arritën një konsensus në 17 mars që zgjedhjet e parakohshme parlamentare të planifikuara për 12 prill “duhet të shtyheshin për shkak të situatës së virusit koronar”, por nuk u arrit asnjë marrëveshje mbi bazën ligjore për atë vendim politik. /tesheshi.com/
