Nëse i keni me merak nga ushqimet pikante ju jeni me fat, pasi një studim i ri ka sugjeruar se specat e djegëst mund të jetë sekreti për një jetë më të gjatë.
Hulumtuesit nga Universiteti i Vermontit analizuan më shumë se 16,000 amerikanë që i ishin nënshtruar një ankete Kombëtare të Shëndetit dhe të Ushqyerit në mes të viteve 1988 dhe 1994. Ata zbuluan se gjatë një periudhe prej 19 vjetësh, rreth 34 për qind e njerëzve kanë vdekur, por kur të dhënat janë kufizuar vetëm në ata persona që kanë konsumuar speca të djegës, ky numër ka rënë në vetëm 22 për qind.
Rezultatet e botuara në revistën Plos One, sugjeruan se 13 për qind e rrezikut më të ulët nga vdekja, me gjasë ka të bëjë me komponentën “kapsaicin” që gjendet në speca. Kapsaicin është përdorur shpesh në trajtimin e artritit dhe vepron si një qetësues efektiv.
Bashkëautori i studimit, Dr. Benjamin Litternberg shpjegoi se komponenti kapsaicin i specit të djegëst duket të ketë reduktuar sasinë e inflamacionit në trup: “Llojet e vdekjeve që ishin më të ulëtat në grupin që kanë përdorur specat e djegëst, ishin vdekjet për shkak të sëmundjeve të enëve të gjakut, sulmet në zemër dhe pika në tru.” /tesheshi.com/
