Kryeministri Albin Kurti përsëriti dhe njëherë, kësaj here në kushte qeverisëse, se heqja e taksës ndaj Serbisë do ndodhë vetëm kur të vendoset reprociteti.
“Ne nuk i vendosim Serbinë dhe Bosnjën në të njëjtën fjali. Edhe për shkaqe historike dhe arsye aktuale. Konsiderojmë që jemi këtu ku jemi si qeveri e re edhe për shkak të zotimit tonë se me Serbinë do të kemi reciprocitet si zëvendësim për tarifën 100 përqind”, tha Kurti në një konferencë shtypi me Shefen e BE-së në Kosovë, Natalyia Apostolova. Kjo e fundit, gjithashtu përsëriti se taksa duhet të hiqet.
“BE deri në nivelet më të lartë të udhheqësisë ka shprehur mendimin e vet për taksën. Konsiderojmë më se taksa ka shkel bashkëpunimin ndërkombëtar si CEFTA. Kemi dërguar letra. Tash presim që Qeveria e re të dalë me propozime dhe ide se si do ta trajtojnë këtë cështje. Dëshirojmë që bisedimet me Serbinë të vazhdojnë. Për ne me rëndësi është që dialogu të vazhdojë”, tha Apostolova.
Një ditë më parë, edhe Uashingtoni kërkoi heqjen e taksës. Me gjuhën e të dërguarit Grenell, u tha se kjo pritej nga Kurti, e se një akt i tillë do e ndihmonte Kosovën në shumë drejtime. /tesheshi.com/
