Qatar Airways ka njoftuar se do të rifillojë fluturimet në Arabinë Saudite që nga e hëna, një hap tjetër në zbatimin e një marrëveshje me të cilën të dy vendet së fundmi i dhanë fund krizës së tyre shumëvjeçare të Gjirit.
Deklarata thekson se, pas më shumë se tre vjetësh, fluturimi i parë komercial për në Riad do të realizohet nesër, dhe më pas janë njoftuar fluturimet për në Jeddah dhe Dammam.
Të Shtunën, kompania saudite Saudia gjithashtu njoftoi se do të rinovojë fluturimet për në Katar nga e hëna.
Autoritetet saudite hapën një kalim kufitar në kufirin me Katarin të shtunën dhe media lokale publikoi pamjet e hapjes së vendkalimit Selva dhe hyrjen e shtetasve të Katarit në Arabinë Saudite.
“Ne po vijmë në atdheun tonë të dytë. Ne gjithashtu jemi të lumtur për të parë që ju në Arabinë Saudite jeni gjithashtu të lumtur për kthimin tonë, “tha një nga qytetarët e Katarit, i cili ishte ndër të parët që kaloi kufirin.
Arabia Saudite, Emiratet e Bashkuara Arabe, Bahreini dhe Egjipti ndërprenë të gjitha lidhjet në qershor 2017 dhe bllokuan kufijtë e Katarit, të cilin ata e akuzuan për mbështetjen e terrorizmit.
Por Katari i ka mohuar akuzat.
Me ndërmjetësimin e Kuvajtit, udhëheqësit e Arabisë Saudite dhe Katarit arritën një marrëveshje më 4 janar për hapjen e kufijve dhe përfundimin e krizës tre e gjysmë vjeçare. /tesheshi.com/
