Berat Buzhala bëri një çarçaf të gjatë për të bindur opinionin publik shqiptar që Ali Ahmeti duhet të shkojë sërish të Nikolla Gruevski dhe të nxitojë, se ndryshe do ta shkatërrojë BESA me Zijadin Selën.
Një editorial që shitej sikur ishte një qëndrim parimor e intelektual dhe fyhej pa të keq Muki, Muhamed Zekiri, një koleg i Beratit që sot është deputet, duke i thënë “mediokër”.
Dhe këtë e thotë kulmi i perfeksionit mediatik! Nejse, po fakt është se e gjithë kjo lojë për të ricikluar Gruevskin nuk është një shaka, por një përpjekje serioze e sponsorizuar nga qarqe në Tiranë e Prishtinë, që nuk e duan paktin e Tiranës i cili u gatua në zyrën e Edi Ramës, e ku për herë të parë partitë shqiptarë vendosën të kenë një zë politik.
Përveç Menduh Thaçit, i cili është një nga anëtarët e këtij klubi, pra klubit që kërkon të mos bëhet pakti, pasi djali çapkën i kamur i Tetovës me origjinë nga Drenica do të harrohet dhe nuk do t’i mbahet mend asnjë shenjë, postulat apo vepër, edhe pse drejtoi shqiptarët për 25 vjet. Larg qoftë të ketë punë edhe me Fatime Musain.
E në fakt, homologët e frikës nga “Fatimja” janë edhe në Tiranë, që konçidon të jetë Ilir Meta.
Kreu i LSI-së është kundërshtari i fortë i paktit dhe e tha publikisht në intervistën për Berat Buzhalën e Express-it.
Dhe në këtë klub është natyrisht edhe Ramushi, i cili sot ka telashe e derte të tjera e nuk ka pasur kohë e as mundësi të merret me këto punë.
Të gjithë këto qarqe, shtynë Beratin që ta shkruajë pamfletin për martesën e dytë Gruevski-Ali Ahmeti, a thua se është një imperativ kombëtar, madje duke i thurrur ditirambe njeriut të Masakrës së Kumanovës e shumë të tjerave.
Buzhala thoshte se Gruevski ka njohur Kosovën, por s’ka njeri sado i painteresuar në politikë që se di që asnjë vend sllav i Ballkanit nuk e ka njohur Kosovën pa urdhër nga Uashingtoni apo Brukseli.
Megjithatë duhet thënë se ka përpjekje serioze në Tiranë, por edhe në Prishtinë e Tetovë, që të trazojnë situatën në treva që të mos ketë një zë por tollovinë aktuale.
Ka një stres të shtuar.
Realisht ka një logjikë, një fakt që duket shërben si katalizator për të gjitha këto veprime centrifugale.
Që quhet Prokurori Speciale. E cila është ngritur në Maqedoni dhe pritet shpejt të instalohet edhe në Shqipëri e Kosovë. E këto prokurori speciale, me dikë do të merren nga politika. Po me kë thua?! Sikur dikujt po i djeg para kohe… /tesheshi.com/
