Ish-presidenti peruan Alberto Fujimori (1990-2000), sipas vendimit të Gjykatës Kushtetuese, u lirua nga burgu, ku kreu dënimin me 25 vjet për krime kundër njerëzimit.
Pamjet televizive treguan ish-presidentin 85-vjeçar duke lënë burgun Barbadillo, pranë kryeqytetit Lima, të mërkurën në mbrëmje me orën lokale.
Tras la orden del Tribunal Judicial de Perú, el ex presidente peruano Alberto Fujimori salió del penal de Barbadillo donde cumplía una sentencia de 25 años por las matanzas de 25 personas en los casos Barrios Altos en 1991 y la Universidad La Cantuta en 1992. pic.twitter.com/2Lajv0Uz1K
— Cuestione (@cuestione) December 7, 2023
Të martën, Gjykata Kushtetuese konfirmoi faljen e vitit 2017 që i është dhënë ish-kreut të shtetit për arsye humanitare.
Fujimori, 85 vjeç, vuan nga probleme të frymëmarrjes dhe neurologjike dhe mjekët e tij deklarojnë se ai ka ulçerë në stomak, tension të lartë dhe kancer të gjuhës.
Gjykata Ndër-Amerikane e të Drejtave të Njeriut kishte kërkuar më parë pa sukses autoritetet peruane që të mos zbatonin vendimin e amnistisë.
Fujimori u dënua në vitin 2009 me 25 vjet burg për shkelje të rënda të të drejtave të njeriut, sepse ai urdhëroi masakrën e 25 personave, përfshirë një fëmijë, të kryera në 1991 dhe 1992 nga një skuadër e fshehtë vdekjeje në luftën kundër lëvizjes maoiste Sendero luminoso (Shtigjet e Dritës).
“Dora e hekurt” dhe skandalet korruptive
Në mandatin presidencial nga viti 1990 deri në vitin 2000, Fujimori forcoi ekonominë e Perusë me politika ultra-liberale dhe zhvilloi me sukses luftën kundër lëvizjeve guerile Sendero luminoso dhe Lëvizjes Revolucionare Tupac Amaru (orientimi Chegavarista).
Megjithatë, ai qeverisi me dorë të hekurt, i ndjekur nga skandale korruptive, raporton dpa.
Dhjetëra mijëra gra autoktone u sterilizuan me forcë me urdhër të tij, për të ulur numrin e fëmijëve, pasi lindshmëria e lartë shihej si pengesë për zhvillimin.
Fujimori fitoi në mënyrë tronditëse zgjedhjet kundër kundërshtarit të tij, shkrimtarit Mario Vargas-Llosa në vitin 1990, dhe pesë vjet më vonë ai përsëri mundi kundërshtarin e tij në atë kohë, ish-Sekretarin e Përgjithshëm të Kombeve të Bashkuara Javier Perez de Cuellar, raporton Reuters.
Dy vjet më vonë, ai dërgoi tanke në rrugë dhe mbylli Kongresin, duke pretenduar se ligjvënësit po bllokonin përpjekjet e tij për të stabilizuar vendin.
Në vitin 1997, Fujimori u lavdërua për lirimin e 71 pengjeve që ishin mbajtur në Lima për 100 ditë.
Dy ish-presidentë të tjerë në burg
Kongresi votoi mosbesimin ndaj tij kur kasetat treguan se shefi i tij i inteligjencës i jepte ryshfet një ligjvënësi.
Më pas presidenti i Perusë, djali i emigrantëve japonezë, iku në Japoni, por në vitin 2005 mbërriti në Kili, i cili e ekstradoi në Peru.
“Ai tallet me familjet e viktimave… dhe tani po largohet nga burgu sikur të mos kishte ndodhur asgjë”, tha për AFP Gladys Rubina, motra e një prej viktimave të masakrës për të cilën u dënua Fujimori.
Fujimori ka katër fëmijë dhe vajza e tij Keiko Fujimori kandidoi pa sukses për presidencën tre herë.
Me lirimin e Fujimorit, dy ish-presidentë të tjerë mbeten në burgun peruan: Alejandro Toledo, i cili është akuzuar për korrupsion dhe Pedro Castillo, i cili u përpoq të shpërndajë ilegalisht Kongresin vitin e kaluar. /tesheshi.com/
