George Berci dhe Frank Shatz, dy njerëz që dikur i bashkoi i njëjti fat, ai i të qenit rob të nazistëve, u panë për herë të parë dje, të mërkurën, në Los Angeles.
Berci, një kirurg 101-vjeçar me bazë në Los Anxhelos, shkon në punë çdo ditë në Qendrën Mjekësore Cedars-Sinai pavarësisht moshës së tij. Z. Shatz, 96 vjeç, një shkrimtar dhe kolumnist, shkruan rregullisht për Gazetën Virginia.
Të lindur dhe të rritur në Hungari, ata u shpëtuan nga kampet e përqendrimit nazist përpara se të migronin në Shtetet e Bashkuara. Takimi i tyre u organizua nga Kongresi Hebre Amerikan.
Dy burrat takuan përzemërsisht, në shtëpinë e të moshuarve ku jeton zoti Berci. Shatz rendi drejt tij me vrull, pavarësisht bastunit mbi të cilin mbahej. Ata u përqafuan përlotshëm.
“Pothuajse në të njëjtën ditë ne u shpëtuam nga skllavëria e detyruar, ishim në Budapest
dhe të dy iu bashkuam rezistencës kundër nazistëve,” tha zoti Shatz. “Kemi qenë në të njëjtat vende, kemi bërë të njëjtat gjëra…”.
Berci ishte një i burgosur nazist në verën e vitit 1944 kur u arratis në moshën 23-vjeçare, duke përfituar nga një sulm i aleatëve pranë kampit që tërhoqi vëmendjen e rojeve të tij. Ai iu bashkua rezistencës në Budapest.
Sipas një rubrike të kohëve të fundit, Shatz u detyrua të punonte në malet Karpate në një projekt hekurudhor të ushtrisë naziste kur ai mundi të arratisej gjatë sulmeve ajrore aleate. Ai iu bashkua edhe rezistencës në Budapest.
Sachs mësoi për historinë e Berci-t kur lexoi një profil të tij si kirurt të botuar së fundmi në Los Angeles Times. Postimi ishte rasti i takimit.
“Ne jemi me fat që ende i kujtojmë këto ngjarje historike,” tha Berci me shaka. /tesheshi.com/
