Është e hënë, një javë krejt e re dhe me pritshmëri të reja. Jo që mund ta dimë saktë se çfarë pritet të ndodhë, por këto janë ngjarjet e paralajmëruara që pritet të ndodhin.
1) Testi i besimit i Sebastian Kurz
Kancelari austriak Sebastian Kurz do të përballet me një mocion mosbesimi në parlament.
Kjo vjen pak ditë pas daljes së skandalit politik që rrënoi nga themeli koalicionin e ekstremit të djathtë.
Mocioni i mosbesimit që pritet të ndodhë sot, bën thirrje për një qeveri teknokratike që do ta zëvendësoj 32 vjecarin Kurz, derisa të mbahen zgjedhjet e radhës, me gjasë në muajin shtator.
Kurz i dha fund koalicionit javën e kaluar, dhe bëri thirrje për zgjedhje të reja.
2) Assange do të përballet në gjykatë dhe rrezikon ekstradimin
Bashkëthemeluesi i Wikileaks, Julian Assange do të bëj një tjetër paraqitje në Gjykatën e Magjistraturës në Westminster.
Mbretëria e Bashkuar do të duhet të vendosë nëse do ta ekstradojë atë në SHBA, nën akuzuar për shkarkimin e bazës së të dhënave të klasifikuara.
Javën e shkuar, Departamenti Amerikan i Drejtësisë paraqiti 17 akuza të reja kundër Assange, duke akuzuar 47-vjeçarin për shkeljen e aktit të spiunazhit në SHBA.
SHBA premtoi se kjo do të jetë një betejë e gjatë, dhe nëse ekstradohet ai rrezikon të dënohet me 17 vite burg.
3) Përurimi i presidentit të Nigerisë
Ceremonia e betimit për presidentin e Nigerisë, Muhammadu Buhari, zhvillohet të mërkurën pas ri-zgjedhjes së tij në shkurt.
Buhari, i cili u zgjodh për herë të parë president në vitin 2015, përballet me shumë sfida, të tilla si gjetja e vendeve të punës për miliona të rinj të papunë në kombin më të populluar të Afrikës, si dhe shmangia e kryengritjeve dhe dhuna e milicisë.
4) Plot futboll anglez në finale
Finalet e Ligës së Kampionëve dhe Europa Liga do të mbahen mes 4 ekipeve angleze, për herë të parë në histori.
Çelsi dhe Arsenali do të luajnë në finalen e Europa Ligës në Baku të Azerbajxhanit të mërkurën, ndërsa Spurs dhe Liverpool do të garojnë për në Ligën e Kampionëve në finalen e Madridit, që do të mbahet të shtunën.
/tesheshi.com/
