Një fundjavë e kaluar në pikën turistike të Thethit, me familjen e tij, në të cilin u njoh edhe me gjendjen e rëndë ku ndodhej shkolla 9-vje çare në skajin verior të Shqipërisë, ka mjaftuar për të nisur një projekt të ri. 11-vjeçari nga Prishtina, Fresku ka ndërmarrë një nismë që synon përshkimin e rrugës Prishtinë – Sarandë, me biçikletë, në mënyrë që të mbledhë sa më shumë fonde për rikonstruksionin e kësaj shkolle.
Fresku 11-vjeçar, i shoqëruar edhe nga babai i tij, do të udhëtojë me biçikletë që nga Prishtina deri në Sarandë, një udhëtim rreth 500 km që do t’ia dedikojë nxënësve të shkollës se Thethit përmes grumbullimit të parave me të cilat do të sigurohen mjete mësimore, të cilat ai do ia dhurojë bashkëmoshatarëve të tij.
Siç thotë edhe vetë Fresku, ai shkoi për herë të parë në Theth para dy viteve dhe deri tani ka arritur të tërheqë vëmendjen e shumë njerëzve të cilët kanë kontribuuar për kauzën e tiji.
Babai i Freskut, Veton Sylhasi thotë se kjo iniciativë konsiderohet si një sfidë në të cilën janë bashkuar shumë qytetarë, por edhe njerëz të njohur.
Fresk Sylhasi ende nuk i ka mbushur 11 vjeç, por kjo nuk e ka penguar që ai të nisë këtë udhëtim nga Prishtina i cili është planifikuar që të përfundojë brenda 6 ditëve, me destinacion Sarandën.
Fresku është një djalë tw cilit i pëlqejnë sportet dhe sfidat e qëndrueshmërisë. Ai bën ecje nëpër bjeshkë që nga mosha 9-vjeçare. Ka ngjitur pikën më të lartë të Kosovës kur ishte 10 vjeç. /tesheshi/
Flutura Tota
